嬰幼兒用品Mama’s Dear旗艦店開幕

是日Mama’s Dear旗艦店開幕禮假數碼港商場全天候廣場舉行，並邀得郭可盈及分享為囡囡津津選用嬰幼兒用品的心得，以及笑談為愛女襯衫的有趣經驗。



談到愛女津津，可盈表示會嚴謹地挑選嬰兒用品，且特別喜愛歐美品牌，認為其質素及安全性有保證，雖然津津已經20個月大「識行識走」，但一架優質的BB車仍然非常重要：「我經常帶住囡囡四圍去，有時出街時間長，BB車顯得好重要，因為佢隨時隨地都有可能要瞓覺，如果囡囡瞓著咗無BB車就大件事喇，抱都抱到手軟啦！揀BB車有幾點好重要，第一係安全，其次係BB車要夠輕便，就算上落樓梯時要拎住架車，都無咁吃力。」可盈對BB車的看法其實與大部份媽咪相若，Mama’s Dear 旗下著名英國BB車品牌Babyzen代表當日介紹了其屢獲設計獎項並以輕巧見稱的BB車，即席展示單手就能摺合、闊度僅得25厘米的卓越功能，讓現場觀眾大開眼界。



除了產品介紹，大會更安排可盈與英國時裝設計師即席發揮創意為小朋友配襯衣飾。看見這些又精靈又有型的小朋友，可盈頓時母愛泛濫，分享自己將貪靚的本色延續到下一代的喜悅：「囡囡未出世之前已經有好多朋友送衫，加上我自己都鍾意買衫，自己買之餘又買俾佢，所以佢一早已經有個專屬衣櫃，而且塞爆咗添！加上佢有好多飾物，各式太陽眼鏡、髮夾、帽仔同頸巾多不勝數，相信好快要幫佢設計個衣帽間。我會因應不同場合為囡囡配襯，幸好囡囡形象好百搭，不論係好有型嘅Sporty look、斯斯文文的小女孩look、甚至好隆重嘅party look都carry到，形象都好百變！」活動上可盈更與一班穿上著名服裝品牌MiDes的小朋友同行Catwalk，令Mama’s Dear開幕禮於歡樂的氣氛下圓滿結束。

嬰幼兒用品專門店Mama’s Dear致力為本地家長搜羅來自歐美等地最合用的品牌用品，當中包括法國名牌BB車Babyzen、由美國著名兒科醫生 Dr. William Sear研發的側背帶Balboa Baby、Inch Blue室內學步鞋、Little Chipipi澳洲有機床品及貼牆貼紙，以及本地嬰兒服裝名牌MiDes等。

MaMa’s Dear數碼港旗艦店

地址：Shop No. 105-107, TheArcade, Cyberport,100 Cyberport Road

電話：2989 9290